Shu haftada Londonning “Chelsi” klubi “Barselona” hujumchisi Pyer-Emerik Obameyang atrofidagilar bilan navbatdagi muzokaralar o‘tkazadi. Bu haqda taniqli insayder Fabrisio Romano xabar berdi.

"Ko‘klar" egasi Todd Boeli futbolchining o‘zi bilan shaxsiy kelishuv shartlari bo‘yicha muzokaralar olib borishga harakat qilmoqchi. Shundan so‘ng, "aristokratlar" taxminan 40 million yevro olishni istaydigan "ko‘k-anorranglilar"ga taklif bilan chiqishga tayyor bo‘ladi.

Avvalroq kataloniyaliklar "Chelsi"ning 14 million yevrolik taklifini rad etgani xabar qilingandi. 33 yoshli gabonlik futbolchining o‘zi ham hozirgi jamoasini tark etish niyatida emas.

Hujumchining kataloniyaliklar bilan shartnomasi 2025 yilning 30 iyuniga qadar amal qiladi. O‘tgan mavsumda Obamenyag "Barselona" safida barcha turnirlarda 24 ta o‘yinda maydonga tushib, 13 ta gol urgan.