"Челси" ва "Арсенал"нинг собиқ ярим ҳимоячиси Виллиан "Фулхэм" билан шартнома имзолайди, дея хабар беради журналист Питер Ратслер.
34 ёшли бразилиялик бугун Лондон клуби базасига етиб келади.
Аввалроқ Виллиан мухлислар билан тил топиша олмагани учун Бразилиянинг "Коринтианс" клуби билан шартномасини бекор қилганди.
Виллиан 2013 йил августидан 2020 йил августигача “Челси”да ўйнаган. Шунингдек, "Арсенал" шарафини ҳам ҳимоя қилган.
Жорий мавсумда Виллиан “Коринтианс” сафида 36 та ўйинда майдонга тушиб, 1 та гол урди ва 4 та голли узатмани амалга оширди.
