"Рома" бош мураббийи Жозе Моуриньо клубни ярим ҳимоячи Брайан Кристанте билан шартномани узайтириш зарурлиги ҳақида хабардор қилди, деб хабар беради Calciomercato.com.

27 ёшли италияликнинг амалдаги шартномаси 2024 йилгача мўлжалланган. Кристанте португалиялик мутахассис учун энг муҳим футболчилардан бири ҳисобланади. У ўтган йили атиги бешта ўйинни ўтказиб юборди, барчаси жароҳатлар ёки дисквалификация туфайли.

Ўтган мавсумда Кристанте "Рома" сафида барча турнирлар доирасида 50та ўйинда майдонга тушиб, 3та гол урди ва 2та голга ассистентлик қилди.