"Челси" ярим ҳимоячиси Каллум Хадсон-Одои Лондон клубини тарк этишга тайёр, деб хабар беради BBC.
21 ёшли англиялик футболчи кўпроқ ўйин амалиётига эга бўлмоқчи. Бироқ “кўклар” ҳозирча футболчини сотишга эмас, балки уни ижарага беришга тайёр.
Олдинроқ Хадсон-Одоига "Ньюкасл", "Саутгемптон" ва Дортмунднинг "Боруссия" клубларидан қизиқиш борлиги ҳақида маълумотлар пайдо бўлганди.
Хадсон-Одои ўтган мавсумда барча турнирларда 28 та ўйинда майдонга тушиб, 3 та гол урди ва 6 та голли узатмани амалга оширди. Transfermarkt портали футболчининг нархини 25 миллион еврога баҳоламоқда.
