Мадриднинг “Реал” клуби ҳимоячиси Альваро Одриосола ушбу трансфер ойнасида Мадрид клубини тарк этиши мумкин.
AS нашри хабарига кўра, 26 ёшли испанияликни "Ноттингем Форест" жамоаси ўз сафига қўшиб олмоқчи. Футболчи бош мураббий Карло Анчелотти ишончини қозонгани йўқ, шунинг учун у Англияга кўчиб ўтиш вариантини кўриб чиқишга тайёр.
Одриосола ўтган мавсумни "Фиорентина"да ижара асосида ўтказган эди. У "бинафшаранглилар" сафида барча мусобақаларда 27та ўйин ўтказиб, 1та гол ва 1та голли узатмани амалга оширган.
