El Chiringuito телеканали хабарига кўра, "Манчестер Юнайтед" шанба кунигача "Реал" ярим ҳимоячиси Каземиро билан шартнома имзоламоқчи.
Манбага кўра, 30 ёшли бразилиялик футболчининг ўзи яқин соатлар ичида "Реал"дан уни "Манчестер Юнайтед"га қўйиб юборишни сўрайди.
Каземиронинг амалдаги шартномаси 2025 йилнинг ёзига қадар мўлжалланган. Transfermarkt портали футболчини 40 миллион еврога баҳоламоқда.
Бразилиялик ярим ҳимоячи 2013 йилдан бери "Реал"да тўп тепмоқда. Мадрид жамоаси билан биргаликда у 18 та совринни қўлга киритди.