"Манчестер Юнайтед" "Лацио" ярим ҳимоячиси Сергей Милинкович-Савичнинг агенти билан боғланди, деб хабар беради Footmercato.
"Челси" собиқ ҳужумчиси Матея Кежман 27 ёшли сербиялик футболчининг агенти ҳисобланади. "Манчестер Юнайтед" "Ювентус" футболчиси Адриен Рабьо билан музокараларда муваффақиятсизликка учрагач, римликлар ярим ҳимоячисига яна қизиқиш билдирмоқда.
Милинкович-Савич ўтган мавсумда 37та ўйинда майдонга тушиб, 11та гол урди ва 11та голга ассистентлик қилди. Футболчининг "Лацио" билан шартномаси 2023/24 йилги мавсум охиригача амал қилади.