Мадриднинг “Атлетико” клуби “Манчестер Юнайтед” қизиқиш билдираётган ҳужумчи Матеус Куньяни сотмасликка қарор қилди.
Goal.com портали хабарига кўра, жамоа бош мураббийи Диего Симеоне бу футболчини жамоанинг муҳим фигуралардан бири деб ҳисоблайди.
Матеус "Атлетико" сафига ўтган йилнинг ёзида қўшилганди. Испания чемпионатининг сўнгги мавсумида ҳужумчи 29 та ўйинда иштирок этиб, 6 та гол урган ва 4 та голли узатмани амалга оширган.
“Атлетико” Ла Лиганинг янги мавсумини муваффақиятли бошлаб, сафарда "Хетафе"ни 3:0 ҳисобида мағлуб этди.
