"Тоттенхэм" ҳужумчиси Сон Хён Мин Англия Премьер-лигасининг 2-тури доирасида "Челси"га қарши кечган дерби вақтида ирқчиликка дуч келди.
The Athletic нашри хабарига кўра, учрашувнинг иккинчи ярмида нохуш ҳодиса юз берган. Бурчак тўпини ўйинга киритаётган пайтда жанубий кореялик футболчига мухлислар ирқий имо-ишораларни кўрсатишди. "Челси" аллақачон воқеа юзасидан текширув бошлаган.
Эслатиб ўтамиз, "Челси" - "Тоттенхэм" учрашуви 2:2 ҳисобида дуранг билан якунланган эди. Финал ҳуштаги янграгач, жамоалар бош мураббийлари Томас Тухел ва Антонио Конте ўртасида можаро келиб чиқди. Натижада иккала мураббий ҳам қизил карточкага лойиқ кўрилди.
