Мадриднинг “Атлетико” клуби ҳужумчиси Альваро Мората манфаатларини ҳимоя қилувчи футбол агенти Хуанма Лопес мижозининг келажаги ҳақида гапирди.
"Ҳозир Альваро "Атлетико"да ва ҳамма нарса унга мос келади. Унинг амалдаги шартномаси бор ва Мадридда қолиш ниятида”, - деди El Chiringuito билан суҳбатда.
Аввалроқ “матрасчилар” Моратани 45 миллион евро эвазига АПЛ клубига қўйиб юбормагани маълум бўлганди.
Ўтган мавсумда Альваро Туриннинг "Ювентус" клубида ижара асосида ўйнаганди. Шартнома муддати тугагач, форвард яна “матрасчилар” сафига қайтди.
Ла Лига мавсуми бошида Мората иккита гол урди.
