"Вулверхэмптон"нинг янги футболчиси Матеус Нунес трансфер ҳақида гапирди. У инглиз клубига Португалиянинг "Спортинг" жамоасидан кўчиб ўтди.
"Ушбу битимнинг амалга ошганидан жуда хурсандман. Эртага майдонга тушишга тайёрман. Мураббий мени бу ерда кўришни жуда хоҳлади ва бизнинг хоҳишимиз бир хил эди. Бу менинг фаолиятимдаги тўғри қадам, мен ҳамма нарсани тўғри қилдим. Мен анчадан бери АПЛда бўлишни орзу қилардим. Бу жаҳон футболидаги энг яхши чемпионатдир", - деди португалиялик футболчи клуб матбуот хизматига.
Матеуснинг "бўрилар" билан шартномаси 2027 йилнинг ёзига қадар мўлжалланган. Бу трансфер "бўрилар" тарихидаги энг қиммат трансфер бўлди.
