Лондоннинг “Челси” клубидан “Лейпциг” жамоасига кўчиб ўтган марказий ҳужумчи Тимо Вернер ўзининг трансфери ҳақида фикр билдирди.
"Мен учун асосийси футболдан завқ олиш. "Челси"да ишлар мен хоҳлагандек бўлмади. Мен мунтазам ўйин амалиётинга эга бўлмадим. Эҳтимол, Томас Тухелнинг фалсафасига тўғри келмагандирман. Шунинг учун мен кейинги қадамни қўйишга қарор қилдим. Мен ҳозир имкон қадар тез-тез ўйнашни хоҳлайдиган ёшдаман", - деди Вернер Bild билан суҳбатда.
“Лейпциг” 26 ёшли ҳужумчини 20 миллион еврога сотиб олди. Вернер "буқалар" билан тўрт йиллик шартнома имзолади.
