"Реал" ярим ҳимоячиси Каземиро тез орада "қаймоқранглилар" раҳбариятидан ўзини "Манчестер Юнайтед"га қўйиб юборишларини сўрайди. Бу ҳақда испаниялик журналист Хосеп Педрероль хабар бермоқда.
Эслатиб ўтамиз, "қизил иблислар" 30 ёшли бразилиялик учун 60 миллион евро таклиф қилишга ва унинг маошини оширишга тайёр. Каземиро "Манчестер Юнайтед" вариантига қизиқмоқда, шунинг учун ярим ҳимоячи "Олд Траффорд"га ўтишни кафолатламоқчи.
Эслатиб ўтамиз, "Манчестер Юнайтед" айни дамда Англия Премьер-лигаси турнир жадвалида икки турдан сўнг охирги ўринда бормоқда. Жамоа навбатдаги ўйинни ўз майдонида "Ливерпул"га қарши ўтказади.
