Лондоннинг "Челси" клуби трансфер бозори ёпилгунга қадар жуда банд бўлади. The Telegraph нашри хабарига кўра, "кўклар" ўз таркибини кучайтириш учун 180 миллион евро сарфлашни режалаштирмоқда.
Асосий мақсад "Лестер" ҳимоячиси Уэсли Фофана бўлиб, унинг нархи 85-90 миллион еврога баҳоланмоқда. Шунингдек, клуб "Барселона" клубидан Пьер-Эмерик Обамеянг ва Френки де Йонгларни ҳамда "Эвертон" жамоасидан Антони Гордонни ҳам ўз сафига қўшиб олмоқчи.
Эслатиб ўтамиз, шу кунгача "Челси" Рахим Стерлинг, Калиду Кулибали ва Марк Кукурельялар билан шартнома имзолаган.
