"Тоттенхэм" ҳужумчиси Харри Кейн бундан роппа-роса 10 йил олдин АПЛдаги илк ўйинини ўтказган, деб хабар беради клуб матбуот хизмати.
Бу вақт ичида 29 ёшли англиялик футболчи 284 та ўйин ўтказиб, 184 та гол урди ва 43 та голли узатмани амалга оширди.
Кейн сўнгги голини "Челси"га қарши ўйинда (2:2) киритди. Битта жамоага киритилган голлар сони бўйича ҳужумчи "Манчестер Сити"нинг собиқ ҳужумчиси Серхио Агуэрога етиб олди.
Кейн "Тоттенхем"да 2011 йилдан бери тўп тепади. Футболчининг амалдаги шартномаси 2 йилдан кейин тугайди. Transfermarkt портали форварднинг нархини 90 миллион еврога баҳоламоқда.
