Журналист Николо Скиранинг хабар беришича, "Лидс" "Цюрих" ҳужумчиси Вилфрид Ньонтони ўз сафига қўшиб олиш бўйича музокаралар олиб бормоқда.
Инглиз клуби 18 ёшли италиялик учун 5 миллион евро таклиф қилди ва футболчи билан шахсий шартнома шартларини келишиб олди.
Transfermarkt.com Ньонтони 10 миллион еврога баҳолади. Июнь ойида ҳужумчи Италия терма жамоасида дебют қилди, 14 июнь куни Германия билан Миллатлар лигаси ўйинида (2:5) гол урди ва терма жамоа тарихидаги энг ёш гол муаллифига айланди.













