"Рома" бош мураббийи Жозе Моуриньо Италия терма жамоаси ҳужумчиси Андреа Белоттининг ўз клубига ўтишини истамоқда, деб ёзади Альфредо Педулла.
Манбанинг хабарига кўра, португалиялик мутахассис футболчи билан унинг трансфери ҳақида шахсан мулоқот қилган. Моуриньо "Рома" ёзги трансфер ойнаси тугагунга қадар келишувни якунлашни хоҳлаётганини айтди.
28 ёшли Белотти ўтган мавсумда "Торино" сафида А Серияда 22 та ўйинда майдонга тушиб, 8 та гол урди ва голли узатмани амалга оширди. Ёзда у янги шартнома имзолашдан бош тортди ва Турин клубини тарк этди.
