"Сток Сити" "Манчестер Сити" ҳужумчиси Лиам Делап билан шартнома имзолаганини эълон қилди.
19 ёшли англиялик футболчи 2022/23 йилги мавсумни жамоа билан ўтказади ва 17-рақам остида ўйнайди.
Делап "Манчестер Сити" тарбияланувчиси ҳисобланади. Ўтган мавсумда у "шаҳарликлар" асосий жамоасининг 6та учрашувида қатнашиб, гол ура олмаган. Шунингдек, у ёшлар жамоасида 10та ўйинда 8та гол урди ва 2та голли узатмани амалга оширди.
Лиам Делап Ирландия Республикасининг собиқ ярим ҳимоячиси Рори Делапнинг ўғли бўлиб, отаси 2006 йилдан 2013 йилгача "Сток Сити"да ўйнаган.