The Sun нашри хабарига кўра, "Фулхэм" "Блекберн" ҳужумчиси Бен Бреретонни сотиб олмоқчи.
Манба берган хабарга кўра, футболчига аввалроқ "Ницца", "Борнмут" ва "Эвертон" клублари қизиқиш билдирган. "Блекберн" 23 ёшли чилилик футболчи учун камида 20 миллион евро талаб қилмоқда.
Футболчининг клуби билан амалдаги шартномаси 2023 йилда якунига етади.
Ўтган йили форвард Чили терма жамоасида дебют қилганди. Терма жамоа таркибида у 14та ўйин ўтказиб, 4та гол урди ва 1та голли узатмани амалга оширди.