Ҳимоячи Муҳаммад Симакан ёзда “Лейпциг”дан “ПСЖ”га ўта олмайди.
Get French Football News нашрининг L'Equipe нашрига таяниб хабар беришича, немис клуби эндиликда 22 ёшли франциялик футболчининг ўрнига ўринбосар топиб, сотиб олишга етарлича вақт тополмайди, деб ҳисоблагани учун бу трансферни блоклаб қўйган. Бунда Лукас Клостерманнинг жароҳати ҳам роль ўйнади.
Симакан "ПСЖ" томонидан "Интер" ҳимоячиси Милан Шкриньярга муқобил сифатида кўриб чиқилганди.
Франция чемпионлари келаси йили Муҳаммадни қўлга киритишга ҳаракат қилмоқчи.
Симакан Бундеслигада 30 та ўйинда майдонга тушиб, 1 та гол урган.
