"Ювентус" "Манчестер Юнайтед"га америкалик ярим ҳимоячи Уэстон Маккеннини таклиф қилди, деб хабар беради Sky Sports.
Манбага кўра, итальян клуби шу йўл билан "ПСЖ"нинг аргентиналик ярим ҳимоячиси Леандро Паредесни сотиб олиш учун маблағ олишга умид қилмоқда. Бироқ америкалик футболчининг жамоадан кетиши даргумон, чунки клуб бош мураббийи Массимилиано Аллегри уни ўз режаларига киритган.
23 ёшли Маккенни ўтган мавсумда "Ювентус" сафида барча турнирларда 29та ўйинда майдонга тушиб, 4та гол урган. Унинг клуб билан шартномаси 2025 йилнинг ёзига қадар мўлжалланган.