"Лестер" ярим ҳимоячи Жеймс Мэддисон билан янги шартнома борасида музокаралар олиб бормоқда. Жамоа бош мураббийи Брендан Рожерс The Athletic нашрига берган интервьюсида "Ньюкасл" қизиқишлари фонида футболчи билан олиб борилаётган музокаралар ҳақида гапирди.
Ярим ҳимоячининг амалдаги шартномаси 2024 йилгача мўлжалланган. Transfermarkt портали футболчининг нархини 50 миллион еврога баҳоламоқда.
Мэддисон "Лестер Сити"да 2018 йилнинг июлидан бери тўп тепади. Ярим ҳимоячи ўтган мавсумда "тулкилар" сафида барча турнирларда 53 ўйинда майдонга тушиб, 18 гол урди ва 12 голга ассистентлик қилди.