"Челси" ярим ҳимоячиси Кристиан Пулишичга тўртта клуб қизиқиш билдирмоқда. Журналист Жеймс Оллининг ёзишича, америкалик футболчи “Манчестер Юнайтед”, “Ювентус”, “Атлетико” ва “Ньюкасл” клублари эътиборини тортган.
Футболчининг атрофидагилар яқин орада Кристианнинг келажаги билан боғлиқ вазиятга ойдинлик киритиш ниятида. Америкалик футболчи бош мураббий Томас Тухель билан учрашмоқчи ва ўзининг "Челси"даги ўрнини билиб олмоқчи.
Аввалроқ, "кўклар" Пулишичдан қутулишга қарши эмаслиги хабар қилинганди. Бироқ, “Челси” футболчини АПЛнинг бошқа клубларига сотмоқчи эмас.
