Football Insider хабарига кўра, "Мидлсбро" "Фулхэм" ҳужумчиси Родриго Мунисни ижарага олмоқда. 21 ёшли бразилиялик футболчи тез орада тиббий кўрикдан ўтади.
АПЛнинг дастлабки икки учрашувида ҳужумчи захирада қолди. Клуб раҳбарияти футболчининг мунтазам ўйин вақтига эга бўлиши учун унинг трансферини қўллаб-қувватламоқда.
Мунис фаолиятини Бразилия чемпионатида бошлаб, “Фламенго”, “Куритиба” клубларида ўйнаган. Ҳужумчи ўтган ёзда "Фулхэм" клубига ўтган эди. Футболчининг амалдаги шартномаси 2026 йилда якунига етади.
Мунис ўтган мавсумда "Фулхэм" таркибида 28 та ўйинда майдонга тушиб, 5 та гол урган. Transfermarkt портали ҳужумчининг нархини 5 миллион еврога баҳоламоқда.
