"Ливерпул"нинг собиқ ҳужумчиси Луис Суарес "Кристал Пэлас" ҳимоячиси Йаким Андерсен билан тўқнаш келгани учун "Энфилд"даги дебютида қизил карточка олган ватандоши Дарвин Нуньес билан суҳбатлашди.
"Мен у билан гаплашдим, чунки у энди бошлади. Мен уни бундан буён рақиблар кўпроқ ғазаблантириши ҳақида огоҳлантирдим", - деди уругвайлик футболчи Daily Mail билан суҳбатда.
Эслатиб ўтамиз, Нуньес "Ливерпуль" сафидаги дастлабки икки расмий ўйинида иккита голга ва бир голли узатмага муаллифлик қилганди. Энди футболчи дисквалификация туфайли клубининг кейинги учта ўйинини ўтказиб юборишга мажбур бўлади.
