Мадриднинг “Реал” клуби ярим ҳимоячиси Каземиро жамоадошлари билан хайрлашди. Бу ҳақда журналист Фабрицио Романо ижтимоий тармоқларда хабар берди.
Эслатиб ўтамиз, бразилиялик футболчи "Манчестер Юнайтед"га ўтишга қарор қилди. Буни матбуот анжуманида "қаймоқранглилар" бош мураббийи Карло Анчелотти ҳам тасдиқлаган эди. Каземиронинг трансфери “қизил иблислар”га бонуслар билан бирга 70 миллион еврога тушади.
Каземиро трансфернинг якуний тафсилотлари бўйича клуб билан келишиб олишни кутмоқда, шундан сўнг у тиббий кўрикдан ўтиш учун Буюк Британияга учиб кетади.
