Таниқли италиялик мураббий Фабио Капелло россиялик футболчилар Европа клубларига кам таклиф олиши ҳақида гапирди. Россия терма жамоасининг собиқ устозининг сўзларига кўра, гап умуман паспортда эмас.

“Ҳаммаси чемпионат савиясида. Сўнгги йилларда РПЛ даражаси пасайиб кетди, шунинг учун у ердаги ўйинчиларнинг Европа футболига мослашиши қийин", дейди Капелло.

Агар россиялик футболчилар ҳақида гапирадиган бўлсак, эҳтимол Александр Головин бугунги кунда энг юқори савияда ўйнамоқда. Ярим ҳимоячи аллақачон Франциянинг “Монако” клубидаги бешинчи мавсумини ўтказяпти.

Бу вақт ичида Головин 134 та учрашувда қатнашиб, 17 та гол урди ва 25 та голли узатмани амалга оширди.