Taniqli italiyalik murabbiy Fabio Kapello rossiyalik futbolchilar Yevropa klublariga kam taklif olishi haqida gapirdi. Rossiya terma jamoasining sobiq ustozining so‘zlariga ko‘ra, gap umuman pasportda emas.
“Hammasi chempionat saviyasida. So‘nggi yillarda RPL darajasi pasayib ketdi, shuning uchun u yerdagi o‘yinchilarning Yevropa futboliga moslashishi qiyin", deydi Kapello.
Agar rossiyalik futbolchilar haqida gapiradigan bo‘lsak, ehtimol Aleksandr Golovin bugungi kunda eng yuqori saviyada o‘ynamoqda. Yarim himoyachi allaqachon Fransiyaning “Monako” klubidagi beshinchi mavsumini o‘tkazyapti.
Bu vaqt ichida Golovin 134 ta uchrashuvda qatnashib, 17 ta gol urdi va 25 ta golli uzatmani amalga oshirdi.