"Коринтианс" ҳужумчиси Виллиан Премьер-лигага қайтишга яқин турибди. ESPN хабарига кўра, "Фулхэм" шанба куни 34 ёшли бразилиялик футболчи билан шартнома имзолаганини эълон қилмоқчи.
Қайд этилишича, Виллиан "Челси" сафида ҳаракат қилганида “Крейвен Коттеж” стадиони ёнидаги кўчада яшаган. Бразилияликнинг оиласида ҳам Британия паспортлари бор.
Бир неча ҳафта олдин Виллиан "Коринтианс" билан шартномасини бекор қилди ва эркин агентга айланди.
Жорий мавсумда Виллиан “Коринтианс” сафида 36 та ўйинда майдонга тушиб, 1 та гол урди ва 4 та голли узатмани амалга оширди.