"Korintians" hujumchisi Villian Premyer-ligaga qaytishga yaqin turibdi. ESPN xabariga ko‘ra, "Fulxem" shanba kuni 34 yoshli braziliyalik futbolchi bilan shartnoma imzolaganini e’lon qilmoqchi.
Qayd etilishicha, Villian "Chelsi" safida harakat qilganida “Kreyven Kottej” stadioni yonidagi ko‘chada yashagan. Braziliyalikning oilasida ham Britaniya pasportlari bor.
Bir necha hafta oldin Villian "Korintians" bilan shartnomasini bekor qildi va erkin agentga aylandi.
Joriy mavsumda Villian “Korintians” safida 36 ta o‘yinda maydonga tushib, 1 ta gol urdi va 4 ta golli uzatmani amalga oshirdi.