ФИФА келишилган ўйинларда иштирок этгани ва уни ташкиллаштиришда кўмаклашгани учун 13 нафар Хорватиялик ва Жанубий Кореялик футболчилар ҳамда мураббийларни дисквалификация қилди.
Жанубий Корея терма жамоасининг собиқ аъзоси Ким Донг Хюн бутун умрга футболдаги ҳар қандай фолиятдан четлатилган бўлса, унинг ҳамюрти Чой Сунг Кук беш йилга футболдан четлатилди. Улар Кей Лига ва Лига кубоги баҳслардаги келишилган ўйинлардаги иштироки сабаб шундай қарорга келинган.
Хорватиялик мураббий Винко Сака, "Медимурже" жамоаси футболчиси Марио Дармопил, дарвозабон Даниэл Мадаричлар бутун умрга футболдаги ҳар қандай фаолиятдан четлатилди. Улар 2009-2010 йилги мавсумда юқори двизион ўйинлари келишувида иштирок этган.
Ушбу қарорлар халқаро миқёсда амал қилади.
