Бельгиялик вингер Янник Карраско Англия Премьер-лигаси клублари қизиқишларига қарамай, Мадриднинг "Атлетико"сида қоладиган бўлди. “Манчестер Юнайтед”, “Челси” ва “Тоттенхэм” футболчини қўлга киритиш истагини билдирган.
AS журналистларининг ёзишича, “матрасчилар” устози Диего Симеоне Каррасконинг кетишига кескин қарши. Аргентиналик мураббий футболчининг мавсумни яхши стартда давом эттиришига умид қилмоқда.
Ўтган мавсумда бельгиялик мадридликлар жамоасининг асосий фигураси эди. Янник ўтган мавсумда Ла Лигада 34 та ўйинда майдонга тушиб, 6 та гол ва 6 та голли узатмага муаллифлик қилган.
