Москва вилоятининг “Химки” жамоаси “Спартак” клуби ярим ҳимоячиси, ҳамюртимиз Остон Ўрунов билан шартнома имзолашга тайёр. Бу ҳақда клуб Кузатув кенгаши аъзоси Роман Терюшков "РБ Спорт" мухбири билан суҳбатда айтиб ўтди.

"Агар "Спартак" Ўрунов билан шартномани бекор қилса, биз музокараларга тайёрмиз. Остон бир пайтлар бизнинг кенгайтирилган рўйхатимизда эди", - деди Москва вилояти клуби вакили.

Эслатиб ўтамиз, ўзбекистонлик ярим ҳимоячи ва “қизил-оқлар” ўртасидаги амалдаги шартнома муддати 2025 йилнинг ўрталарига қадар мўлжалланган. Остон 2020 йилдан буён “халқ жамоаси”да ўйнаб келмоқда. Ўшандан бери ярим ҳимоячи тўққизта учрашувда қатнашиб, битта гол урган.