Тошкентнинг "Локомотив" ва Москванинг "Спартак" клублари собиқ дарвозабони Александр Филимонов 90-йилларда "Реал" томонидан ўзига бўлган қизиқиш ҳақида гапирди.
Илгари Филимонов билан бирга ўйнаган футболчининг сўзларига кўра, "Реал" россиялик дарвозабонни қўлга киритиш учун "Спартак"га мурожаат қилган.
"Мен ҳам худди шундай воқеани эшитдим. Бу ҳақиқатми ёки йўқми, билмайман”, - деди Филимонов "Коммент.Шоу" дастурида.
Шунингдек, собиқ дарвозабон 2001 йилда унинг ўйинини томоша қилиш учун "Монако" вакиллари келганини, аммо ўша куни Филимонов майдонга тушмаганини айтди.
Эслатиб ўтамиз, "Спартак" таркибида Филимонов олти марта мамлакат чемпиони бўлган, шунингдек, Россия кубоги соҳибига айланган. Терма жамоа учун эса дарвозабон жами 16та ўйин ўтказди. Шунингдек, Тошкентнинг "Локомотив" жамоасида ҳам тўп сурган.
