Лондоннинг “Брентфорд” жамоаси яна бир умидли футболчига қизиқиш билдирмоқда. Sky Germany нашри хабарига кўра, "асаларилар" эътиборини "Фрайбург" ярим ҳимоячиси Кевин Шадега қаратишган.
Манбага кўра, немис клуби аллақачон "Брентфорд"нинг 20 миллион евролик биринчи таклифини рад этган. Бироқ, Томас Франк жамоаси тўхтаб қолиш ниятида эмас, шунинг учун ҳам яқин орада яхшиланган таклиф билан қайтишади.
Ўтган мавсумда 20 ёшли Шаде Бундеслигада 21 та ўйин ўтказиб, 4 та гол урди ва 1 та голли узатмани амалга оширди. Германиялик футболчининг ўзи ҳам АПЛга ўтишга тайёр ва аллақачон клуб раҳбариятидан ўзини "Брентфорд"га қўйиб юборишини сўраган.
