Londonning “Brentford” jamoasi yana bir umidli futbolchiga qiziqish bildirmoqda. Sky Germany nashri xabariga ko‘ra, "asalarilar" e’tiborini "Frayburg" yarim himoyachisi Kevin Shadega qaratishgan.

Manbaga ko‘ra, nemis klubi allaqachon "Brentford"ning 20 million yevrolik birinchi taklifini rad etgan. Biroq, Tomas Frank jamoasi to‘xtab qolish niyatida emas, shuning uchun ham yaqin orada yaxshilangan taklif bilan qaytishadi.

O‘tgan mavsumda 20 yoshli Shade Bundesligada 21 ta o‘yin o‘tkazib, 4 ta gol urdi va 1 ta golli uzatmani amalga oshirdi. Germaniyalik futbolchining o‘zi ham APLga o‘tishga tayyor va allaqachon klub rahbariyatidan o‘zini "Brentford"ga qo‘yib yuborishini so‘ragan.