Мадриднинг “Реал” клуби раҳбари Флорентино Перес “қироллик” клубининг ярим ҳимоячиси Каземиронинг клубдан кетишига изоҳ берди.
"Каземирони албатта клубимиз афсонаси деб аташ мумкин. У ўз келажагини ҳал қилиш ҳуқуқига эга эди, биз унинг танловини қабул қилдик.
У бунга лойиқ. Келгуси ҳафта биз видолашув маросимини ташкил қиламиз", - дейди Перес.
Эслатиб ўтамиз, Каземиро 2013 йилдан бери Мадрид грандида ўйнаб келганди.
Бразилиялик ярим ҳимоячининг янги жойи "Манчестер Юнайтед" бўлади. “Қизил иблислар” футболчи учун тахминан 70 миллион евро тўлайди.
