Фаолияти давомида у миллиарддан ортиқ даромад олди!
Forbes маълумотларига кўра, Месси ўтган йил давомида "ПСЖ"да 75 миллион доллар ишлаб топган, бу спорт даромадлари бўйича сайёрамиздаги барча спортчилардан кўп.
Унинг Париждаги маоши биргина йилига 35 миллион долларни ташкил этади, демак у ҳафтасига 738 000 доллар ёки кунига 105 000 доллар ёки соатига 8 790 доллар олади.
Evening Standard хабарига кўра, аргентиналик футболчи ўтган ёзда француз жамоаси билан шартнома имзолагани учун 25 миллион доллар бонус пули олган.
Месси ўтган йили майдондан ташқари 55 миллион доллар ишлаб топганди. Фақат теннис рамзи Рожер Федерер ва НБА суперюлдузи Леброн Жеймс ундан бу борада ўзиб кетган.
Аргентиналик йилига 20 миллион доллар даромад келтирувчи Socios криптовалюта платформаси билан ҳамкорликдан ташқари, Adidas, Budweiser ва PepsiCo билан тузилган шартномалар Лионелнинг бойлигига катта ҳисса қўшади.
Ўтган июнь ойида Месси Hard Rock International'нинг биринчи спорт бренди элчисига айланди.
Мессининг бойлиги 600 миллион долларга баҳоланмоқда
Forbes маълумотларига кўра, Месси ўз фаолияти давомида, майдонда ва ундан ташқарида 1,15 миллиард доллар ишлаб топган.
Фақат учта спортчи - Леброн Жеймс, Криштиану Роналду ва Тайгер Вудс Леодан кўпроқ маош олишган.
Месси пулини ҳашаматли машиналарга сарфлашни яхши кўради
Лионелнинг гаражида Ferrari F430 Spyder бор.
Goal нашрининг ёзишича, Мессининг ажойиб автомобиль коллекцияси 2 миллион долларлик Pagani Zonda Tricolore, Ferrari F430 Spyder, Dodge Charger SRT8 ва Maserati Grad Turismo'дан иборат.
Миш-мишларга кўра, аргентиналик энг қиммат автомобил 1957 йилда ишлаб чиқарилган Ferrari 335 Sport Spider Scigaletti'ни 2016 йилда 37 миллион долларга сотиб олган.
Мессининг ажойиб уйлари бор
Мессининг энг ҳашаматли мулки унинг Барселона четидаги 7 миллион долларлик саройидир.
Архитектура режасига кўра, объект Кастельдефельс чеккасида парвозлар тақиқланган ҳудудда жойлашган. Унда сузиш ҳавзаси, ёпиқ спорт зали, театр ва курорт, шунингдек, Каталония тоғлари ва яқин атрофдаги пляжнинг ажойиб манзаралари мавжуд.
Шунингдек, Месси Халк исмли ити билан ўйнашни яхши кўрадиган футбол майдони ҳам бор.
Месси шунингдек “эко-уй”га эга. Сарой Аргентинанинг она шаҳри Росариода жойлашган.
2017 йилдан бери Месси Majestic Hotel Group томонидан бошқариладиган, Ибица, Мальорка ва Барселонада курортлари бўлган MiM Hotels тармоғига эгалик қилади.
2021 йилда тармоқ Пиренейлар қоқ марказида – Аран водийсида ўзининг биринчи қишки курортини очди.
Forbes маълумотларига кўра, тўрт юлдузли меҳмонхона 141 хонадан иборат бўлиб, у спа, ёпиқ бассейн, фитнес маркази ва тоғ гид хизматларини ўз ичига олади.
Месси 15 миллион долларлик шахсий самолётда учади
Мессининг 2004 йилда ишлаб чиқарилган Gulfstream V 2004 шахсий самолёти иккита ошхона ва ҳаммомни ўз ичига олади ва ўн олти нафаргача йўловчини сиғдира олади, дея хабар беради South Morning China Post.
Самолётнинг думида 10-рақам, аргентиналик футболчининг "Барселона"даги либосининг рақами ёзилган. Зинапояларида эса Леонинг ўзи, унинг рафиқаси Антонелла ва уларнинг фарзандларининг исмлари ёзилган.
Сахий Месси
2007 йилда Unicef билан ҳамкорликда ташкил этилган Лионель Месси жамғармаси бутун дунё бўйлаб болаларга ёрдам беради.
Unicef маълумотларига кўра, Месси 2017 йилда фондга Суриядаги уруш туфайли етим қолган 1600 нафар бола учун мактаб қуришда ёрдам бериш учун ўз маблағини хайрия қилган, 2019 йилда эса Кения фуқароларини озиқ-овқат ва сув билан таъминлаш учун 218 минг доллар хайрия қилган, деб ёзади Goal.
“Биз Лео Месси фондини яратишга қарор қилдик ва мен болаларни хурсанд қилиш учун курашни давом эттираман. Мен қандай футбол ўйнасам, худди шундай куч ва фидойилик билан курашаман", - деган Лео фонд очилишида.
Sports.ru материаллари асосида Абдубурхон Мамажонов таржимаси.
