Ўзбекистон биринчилиги 18-турида  “Насаф-2” футболчилари   “Ғаллаорол” жамоасини мағлубиятга учратди.

Қаршида кечган баҳс голларга бой тарзда кечди ва якунда Шуҳрат Тошпўлатов шогирдлари йирик ҳисобда ғалаба қозонишди.

Учрашувни шиддатли бошлаган мезбонлар бирин-кетин ҳужумлар уюштиришди. Шу куни “Насаф-2” жамоаси аъзолари ҳимояда ҳам, ҳужумда ҳам  ишончли тўп суришди. Баҳснинг 44-дақиқасида мезбонлар пенальти тепиш ҳуқуқига эга бўлишди. “Ғаллаорол” ҳимоячисининг “Насаф-2” ҳужумчисига ишлатган қўполлиги жамоасига қимматга тушди. 11-метрлик жарима тўпини Илёс Пардаев аниқ амалга оширди -1:0.

Иккинчи бўлимда ҳам мезбонлар тўлиқ устунликка эришишди. Учрашувнинг 64-дақиқасида “Насаф-2” жамоаси аъзоси Наримон Ҳасанов дарвозабон билан яккама-якка чиқиб, ҳисобдаги фарқни иккитага оширди.  Орадан ҳеч қанча вақт ўтмасдан, аниқроғи 68-дақиқада мезбонларнинг моҳир ҳужумчиси Азамат Алланиёзов   учрашувдаги якуний ҳисобни ўрнатди-  3:0.

Ўзбекистон Биринчилиги 18-тур, 20 июнь.

“Насаф-2” – “Ғаллаорол”  3:0 (1:0)

Ҳакамлар: А.Эргашев, О.Абдувасилов, С.Петров, Ф.Норсафаров.

Голлар: Илёс Пардаев (44 пенальти), Наримон Ҳасанов (64), Азамат Алланиёзов (68). 

“Насаф-2”: Алибек Туропов, Сарвар Ҳолмуродов, Илҳомжон Усубжонов, Бекзод Бўриев, Илёс Пардаев, Зоҳир Қўзибоев, Шаҳбоз Аҳмедов, Жавоҳир Ашуров, Ойбек Полвонов, Мирзамурод Жўрабоев, Ҳусан Қурбонов

Захирадан майдонга тушганлар: Азамат Алланиёзов, Ўктамбек Иброгимов, Убайдулло Аллаҳанов.

Назоратчи: А.Абдуллаев.