Мадриднинг “Атлетико” клуби бош мураббийи Диего Симеоне ёзги трансфер ойнасининг қолган кунларида жамоани кучайтириши мумкинлиги ҳақида гапирди.
“Мен мухлислар талабига кўра ишлашга одатланганман. Бизда яхши футболчилар танлови мавжуд.
Умид қиламанки, кимдир бизни тарк этса, унинг ўрнини муносиб ўйинчи эгаллайди ва бундан азият чекмаймиз.
Биз анча яхши ўйнашга қодирмиз. Трансферлар муаммосидан қайғурмайман", - дея аргентиналик мутахассиснинг сўзларини келтиради Marca нашри.
Испания чемпионати 2-тури доирасида “матрасчилар” ўз майдонида “Вильярреал”ни қабул қилди. Мезбонлар 0:2 ҳисобида мағлуб бўлишди.
Симеоне шогирдлари навбатдаги ўйинни сафарда "Валенсия"га қарши ўтказишади.
