Madridning “Atletiko” klubi bosh murabbiyi Diyego Simeone yozgi transfer oynasining qolgan kunlarida jamoani kuchaytirishi mumkinligi haqida gapirdi.

“Men muxlislar talabiga ko‘ra ishlashga odatlanganman. Bizda yaxshi futbolchilar tanlovi mavjud.

Umid qilamanki, kimdir bizni tark etsa, uning o‘rnini munosib o‘yinchi egallaydi va bundan aziyat chekmaymiz.

Biz ancha yaxshi o‘ynashga qodirmiz. Transferlar muammosidan qayg‘urmayman", - deya argentinalik mutaxassisning so‘zlarini keltiradi Marca nashri.

Ispaniya chempionati 2-turi doirasida “matraschilar” o‘z maydonida “Vilyarreal”ni qabul qildi. Mezbonlar 0:2 hisobida mag‘lub bo‘lishdi.

Simeone shogirdlari navbatdagi o‘yinni safarda "Valensiya"ga qarshi o‘tkazishadi.