Чехия термаси бош мураббийи Михал Билек Португалияга қарши кечадиган чорак финал баҳси олдидан ўз фикрини билдириб ўтди.
"Португалия терма жамоаси таркибида ажойиб ярим ҳимоячилар ҳамда ҳужумчилар бор. Нани, Элдер Поштига ҳамда Криштиану Роналдуларни ёдга олиб ўтиш кифоя.
Биз уларга қарши ҳимояда ўйнашимиз аниқ. Агар рақибга бўш ҳудуд тақдим этадиган бўлсак, улар бизни дарҳол жазолашади.
Чехия терма жамоасида Томаш Росицки ҳамда Петр Чехдан бошқа яққол юлдузлар йўқ. Биз жамоавий ўйин эвазига ғалаба қозонишимиз мумкин.
Португалия - фаворит. Аммо биз ўз ўйинимизни намойиш эта олсак, улардан ўтишимиз мумкин", - дейди Билек.
