"Манчестер Юнайтед"га ўтган "Реал Мадрид" ярим ҳимоячиси Каземиро "қироллик клуби" билан хайрлашди.

"Мен ўзим билан катта бахт ва муваффақият ҳиссини олиб кетаман. 2013 йилда “Сан-Паулу”ни тарк этганимда “Реал” учун ҳамма нарсани қилишимни айтгандим ва шундай бўлди. Мен буни қилганимни билиб тинч ухлайман.

Ҳаётингизда муҳим қарорлар қабул қилиш ҳар доим қийин. Чемпионлар лигасида ғалаба қозонганимдан сўнг агентга “Реал”даги фаолиятим тугаган деб ҳисоблашимни айтдим. Байрам ва дам олиш кунларидан кейин менда худди шундай туйғу пайдо бўлди. Мен дунёдаги энг бахтли футболчиман, менимча, биз тарих яратдик. Турмуш ўртоғим қароримнинг бошиданоқ мени қўллаб-қувватлади. Флорентино Перес билан гаплашиш мен учун қийин бўлди. Ҳақгўйлик менинг асосий қадриятларимдан биридир ва мен у билан ҳар доим ҳақгўй эдим.

Мен янги вазифаларни, янги мақсадларни излаяпман. Мен ўзимни бошқа маданият ва бошқа клубда синаб кўрмоқчиман. Мен у ерда ҳеч нарса ютмадим ва “Реал” каби “Манчестер Юнайтед”га ёрдам бермоқчиман. Мен умидга тўламан. Премьер-лига - менга ёқадиган турнир, мен доим у ерда ўйнашни хоҳлаганман. Менга ўзгариш керак эди", - дея Каземиро Mundo Deportivo билан суҳбатда.