"Арсенал" ҳужумчиси Николас Пепе "Ницца"га ўтишга яқин турибди. Журналист Фабрицио Романонинг хабар беришича, клублар футболчини ижарага олиш борасида келишувга эришган.
27 ёшли футболчининг шартномаси икки йилдан кейин тугайди, аммо "канонирлар" бош мураббийи Микель Артета вингерни трансферга қўйди.
Кот-д'Ивуарлик форвард "канонирлар" тарихидаги энг йирик трансфер бўлиб қолмоқда, уни клуб уч йил олдин "Лилль"дан 72 миллион фунт стерлингга олиб келганди.
Пепе ўтган мавсумда барча турнирларда 23 та ўйинда майдонга тушиб, 3 та гол урди ва 6 та голли узатмани амалга оширди.
