Португалия терма жамоасининг собиқ бош мураббийи Луиз Фелипе Сколари Португалиянинг A Bola нашрига бугунги Чехия - Португалия ўйинидан олдинги ўз фикрларини айтиб ўтди.
"Португалияга кейинги босқичга чиқади. Ишончим комилки, улар Чехия терма жамоасини мағлуб этиб ярим финалга йўлланмани қўлга киритишади. Бундан ташқари, агар рақиб Нидерландалар бўлганида ҳам Португалия худди шундай қилган бўларди."
"Португалия футбол федерацияси, мураббий Бенту ва футболчиларнинг ютуғи шаклланган жамоа ташкил этилганлигидир. Бентунинг амалга оширган ишлари эса фантастик" дейди бразилиялик мураббий.
Шунингдек, Сколари португалларнинг сардори Криштиано Роналду ҳақида ҳам ўз фикрларини билдириб ўтди.
“Португалиянинг кучи жамоавий ўйин ташкил этишида. Роналдунинг бир ўзи ҳамма нарсани бажара олади деб ўйламайман. Чунки, ҳеч ким бир ўзи ўйин тақдирини ҳал қила олмайди" деб ҳисоблламоқда.
Чехия - Португалия баҳсини тўғридан-тўғри томоша қилиши ҳақида сўралганда шундай жавоб қайтарди: "Агар улгурсам кўраман. Чунки, Бразилия кубоги доирасида "Палмейрес" клубининг ўйини бор, лекин у ўйин кечда бўлгани сабабли Португалиянинг ўйинини кўришга имконим бўлса керак. Лекин, ўйинни кўра олмаган тақдиримда ҳам, мен ҳар доимгидек Португалия терма жамоасини қўллаб-қувватлайман."
