“Манчестер Юнайтед” ҳужумчиси Маркус Рэшфорд Англия чемпионатининг 3-туридан ўрин олган “Ливерпуль”га (2:1) қарши ўйин натижасини сарҳисоб қилди.

“Бу ажойиб туйғу, жамоа бугун ўз мақсадига эришиши муҳим эди. Энди биз қўшимча кучга эга бўлишимиз ва натижаларимизни яхшилашимиз мумкин. Жамоамиз тезроқ ўйнай бошлади. Бундай жамоага қарши мухлислар бизни доим қўллаб-қувватлашади. Ўзимни бахтли ҳис қилсам, яхши ўйнаб, голлар ураман. Биз қаттиқ ишлашда ва курашишда давом этишимиз керак", - дея Рэшфорд сўзларини келтирмоқда BBC Sport.

16-дақиқада мезбонлар ярим ҳимоячиси Жэйдон Санчо ҳисобни очди. Иккинчи бўлимда “Манчестер Юнайтед”нинг устунлигини ҳужумчи Маркус Рэшфорд оширди. Ўйиннинг 82-дақиқасида “Ливерпуль” ҳужумчиси Муҳаммад Салоҳ рақиб дарвозасини ишғол қилди.

"Манчестер Юнайтед" АПЛнинг жорий мавсумидаги илк ғалабасини қўлга киритди. "Ливерпуль" АПЛнинг 3 турида 2 очко жамғарди.