"Манчестер Юнайтед" бош мураббийи Эрик тен Хаг "Ливерпуль"га (2:1) қарши АПЛ 3-тур учрашувида ўз футболчиларининг ўйинига юқори баҳо берди.

“Ўйиндан мамнунман, лекин биз буни ҳар бир ўйинда кўрсатишимиз керак. Ҳамма нарса жамоавий руҳдан бошланади. Менинг жамоам бор ва биз барча футболчилардан фойдаланишимиз керак. Магуайр ва Роналдуни тилга олишнинг ҳожати йўқ – улар ажойиб ўйинчилар ва тез орада ўз формаларига қайтишади. Бизда ажойиб ўйинчилар бор, бунга аминман. Аммо трансфер ойнаси ҳали ёпилмаган ва биз нафақат ўйинчиларнинг сонини, балки сифатини ҳам ёдда тутишимиз керак", - деди Тен Хаг.

16-дақиқада мезбонлар ярим ҳимоячиси Жэйдон Санчо ҳисобни очди. Иккинчи бўлимда "Манчестер Юнайтед"нинг устунлигини ҳужумчи Маркус Рэшфорд оширди. Ўйиннинг 82-дақиқасида “Ливерпуль” ҳужумчиси Муҳаммад Салоҳ рақиб дарвозасини ишғол қилди.

"Манчестер Юнайтед" жорий мавсумда биринчи марта АПЛда ғалаба қозонди. "Ливерпуль" АПЛнинг 3 турида 2 очко жамғарди.