"Manchester Yunayted" bosh murabbiyi Erik ten Xag "Liverpul"ga (2:1) qarshi APL 3-tur uchrashuvida o‘z futbolchilarining o‘yiniga yuqori baho berdi.
“O‘yindan mamnunman, lekin biz buni har bir o‘yinda ko‘rsatishimiz kerak. Hamma narsa jamoaviy ruhdan boshlanadi. Mening jamoam bor va biz barcha futbolchilardan foydalanishimiz kerak. Maguayr va Ronalduni tilga olishning hojati yo‘q – ular ajoyib o‘yinchilar va tez orada o‘z formalariga qaytishadi. Bizda ajoyib o‘yinchilar bor, bunga aminman. Ammo transfer oynasi hali yopilmagan va biz nafaqat o‘yinchilarning sonini, balki sifatini ham yodda tutishimiz kerak", - dedi Ten Xag.
16-daqiqada mezbonlar yarim himoyachisi Jeydon Sancho hisobni ochdi. Ikkinchi bo‘limda "Manchester Yunayted"ning ustunligini hujumchi Markus Reshford oshirdi. O‘yinning 82-daqiqasida “Liverpul” hujumchisi Muhammad Saloh raqib darvozasini ishg‘ol qildi.
"Manchester Yunayted" joriy mavsumda birinchi marta APLda g‘alaba qozondi. "Liverpul" APLning 3 turida 2 ochko jamg‘ardi.
