Криштиану Роналду "Манчестер Юнайтед" ўйинларини голсиз якунламоқда.

37 ёшли ҳужумчи АПЛ 3-туридан ўрин олган "Ливерпуль"га (2:1) қарши ўйинда захирада қолди. У 86-дақиқада захирадан майдонга тушди.

Бу мавсумда Премьер-лиганинг дастлабки учта ўйинида Криштиану гол ура олмади ва голли узатма ҳам кўрсатмади.

Португалиялик 1-турда "Брайтон" билан ўйинда (1:2) 53-дақиқада захирадан майдонга тушган бўлса, 2-турнинг "Брентфорд"га қарши учрашуви (0:4) тўлиқ ўйнади.

Ўтган мавсумни ҳисобга оладиган бўлсак, ҳужумчининг "МЮ"даги голсиз серияси 4та ўйинга етди.

Клуб учун охирги марта Роналду 2 май куни - АПЛнинг 35-турида "Брентфорд" дарвозасига пенальтидан гол урган (3:0).