ПСВ ҳужумчиси Коди Гакпо фаолиятини "Манчестер Юнайтед"да давом эттириши мумкин, дея хабар беради журналист Фабрицио Романо.
Манбанинг хабарига кўра, 23 ёшли нидерландиялик футболчи Англия клуби футболчи бўйича расмий таклиф билан чиқса, "Манчестер Юнайтед"га ўтишга тайёр бўлади. Хабар қилинишича, ПСВ ҳужумчи учун 45 миллион евро олмоқчи.
Гакпо ўтган мавсумда барча турнирлар доирасида 47 та ўйинда майдонга тушиб, 21 та гол ва 15 та голли узатмага муаллифлик қилган. Transfermarkt портали футболчининг нархини 30 миллион еврога баҳоламоқда.